Pas ndryshimit të pronësisë, skuadra e Njukasëll synon të futet shumë shpejt në garën për të qenë konkurentë në kompeticionet ku merr pjesë. Drejtuesit e klubit pritet të shkarkojnë trajnerin aktual Steve Bruce për të emëruar një teknik tjetër të një niveli shumë të lartë. Mediat britanike kanë raportuar se në skenë është shfaqur emri i trajnerit Brendan Rodgers por ky i fundit ka refuzuar të marrë drejtimin e ekipit.
Së fundmi drejtuesit e skuadrës angleze janë përqendruar tek francezi Zinedine Zidane. Ish-trajneri i Real Madrid është aktualisht pa skuadër por nuk e sheh me prioritet firmën me skuadrën e Premier Leagues. Ai dëshiron kombëtaren franceze ose skuadrën e Juventusit.
