Mbledhja e Këshillit të Legjislacionit është mbledhur pa praninë e opozitës.
Tema e diskutimit ka qenë propozimi i Partisë Socialiste për zgjatjen e afateve të organeve të vettingut.
Arben Malaj është shprehur me rezerva në lidhje me procesin e Vettingut, duke thënë se është një nocion shqiptar që i asociohet si një syth Kushtetutës. Gjithashtu ai u pozicionua kundër ndryshimeve të shpeshta në Kushtetutën e një shteti edhe kur ato janë emergjente.
“Përpjekje për të ndërhyrë në Kushtetutë shihet si vetëm një nismë e inicuar vetëm nga Partia Socialiste. Të dinim dhe argumentet dhe qëndrimin e opozitës. Do të ishte mirë që ne si akademikë të vinim pasi të ishin gjetur dhe pikat e përbashkëta me opozitën. E dyta e bazuar në eksperiencën si akademik dhe ligjvënës, më vjen keq të them se i gjithë kuadri i vetingut të jetë një syth i veçantë i Kushtetutës është një novacion shqiptar, pavarësisht që është kërkuar nga partnerët strategjikë të cilët unë i vlerësoj”, u shpreh Malaj.
Më tej ai pohoi se nuk ka ndodhur të ketë kaq shumë ndërhyrje në Kushtetutë, madje edhe për diçka prioritare.
“Por, mund të them se në librarinë time unë kam shumë Kushtetuta dhe nuk di një rast që të kenë ndërhyrë kaq shumë në Kushtetutë qoftë dhe për një gjë që është prioritare. Ne dimë se çdo shumicë a është 2/3 a është 3/5, a është 50 plus 1, nuk është garanci për funksionimin kushtetues të vendit. Garancia konkrete duhet të vijë nga ballafaqimi i Kushtetutës për ndarjen dhe balancave e pushteteve, ku një rol të rëndësishëm në këtë e luan Gjykata Kushtetuese”, shtoi ai.
Discussion about this post