Sheshi “Nënë Tereza” u kthye mbrëmjen e shkuar në një skenë madhështore, e mbushur nga mijëra të rinj, të cilët u mblodhën për të ndjekur live koncertin e reperit të njohur, Noizy-t, ‘Alpha Show 2’.
Një natë spektakolare dhe me shumë befasi ishte ajo e mbrëmshmja në Tiranë, ku Rigels Rajku, apo ashtu siç njihet nga publiku dhe fansat e tij Noizy zhvilloi koncertin e dytë më të madh në karrierën e tij, si vazhdim i edicionit të parë, që u mbajt gushtin e kaluar.
Ashtu sikurse edhe ishte parashikuar, ‘Alpha Show 2’ mblodhi në shesh një turmë të madhe fansash të muzikës së reperit të njohur.
Me një sërë artistësh të ftuar për të performuar, 36-vjeçari ka mbledhur mijëra njerëz.
Atmosfera ka qenë fantastike dhe në koncert veç Noizyt kanë performuar edhe Dhurata Dora, Ylli Limani, Stresi, Lyrical Son, MC Kresha, Varrosi, Ledri Vula etj.
“Ju dua shumë, vitin tjetër Alpha Show 3. Dhe ju faleminderit gjithë ju që ishit aty dhe gjithë ju që punuat me mua nga i pari te i fundit pa përjashtime”, kanë qenë fjalët e Noizyt pas përfundimit të koncertit.
Discussion about this post