Reperi Arkimed Lushaj, i njohur si Stresi ka reaguar sërish nga arratia përmes një postimi në rrjetet sociale, për të mbrojtur mikun e tij Noizyn, i cili ndodhet në qeli dhe Kosova e kërkon që të ekstradohet, pas rrahjes së Medi Isenit.
Ditën e sotme reperi ka publikuar vendimet e fundit të marra nga Gjykata e Tiranës, ku përfshijnë mbajtjen në burg të Noizy dhe ekstradimin e tij në Kosovë, një kërkesë kjo e bërë nga Ministrja e Drejtësisë në Kosovë, Albulena Haxhiu.
Stresi i bën apel Ramës që të ndihmojë Noizyn dhe indirekt edhe veten e tij, pasi edhe ai është i shpallur në kërkim.
“Edi Rama, dil fol pak për shokun tonë, sepse është e padrejtë çdo gjë? Kaq kollaj qenka se çohet Albulena i teket asaj për një ngatërresë klubi dhe lëshon urdhër ndërkombëtar”, ka shkruar Stresi.
Discussion about this post