Reperi shqiptar Rigels Rajku i njohur nga të gjithë me emrin e artit si Noizy, ka qenë qendra e vëmendjes këtë periudhë për shkak të sherrit të bujshëm me Kleviol Ahmetin.
Mirëpo situata tashmë është më e qetë dhe këtë gjë e ka treguar vetë reperi, i cili ka qenë shumë aktiv në rrjetin e tij social Instagram. Përmes disa postimeve ai ka treguar se është shumë i fokusuar tek projektet dhe bashkëpunimet e reja.
Pasi publikoi bashkëpunimin e fundit me këngëtarin Yll Limani, Noizy ka gati një tjetër bashkëpunim, kësaj here me një repere femër. Bëhet fjalë për Loredana Zefin, ku dyshja paralajmëruan pak ditë më parë “shkatërrim” me duetin e tyre.
Së fundmi Noizy ka publikuar edhe disa mesazhe private me Loredanën në Whats’app, ku ai e fton reperen të shkojë në Prishtinë për një takim me fansat. Në mesazhe duket se dy reperët gëzojë një raport shumë të mirë, ndërsa po përgatiten për publikimin e këngës mesnatën e sotme.
Noizy: O bish ku je? A je gati për sonte?
Loredana: Ja duke marrë rreze mes Zyrihut. Gati! Ku je ti?
Noizy: Prishtinë duke u relaksuar. Sonte kam mbledhur fansat mes Prishtinës që të takohem me to për qejf nga ora 21:00. Hajde a po vjen?
Loredana: Prit ta shoh a ka aeroplan… Paska, 20:00 arrij në Prishtinë. Eja më merr.
Noizy: Oh sh*t, shihemi.
Kujtojmë se, bashkëpunimi mes dy artistëve është dyshuar që disa ditë më parë. Dyshimet për këngë të përbashkët mes tyre janë ngritur nga disa foto që ka publikuar reperja në Instagramin e saj. Në njërën nga ato Loredana u shfaq në lokalin e reperit. Të shumtë kanë qenë edhe ndjekësit në seksionin e komenteve, që shkruajnë që ajo ndodhet në Durrës për realizimin e klipit me Noizyn.
Discussion about this post