Manuel Nojer ka edhe dy vite kontratë me skuadrën e Bajernit. Megjithatë palët nuk janë drejt akordit për zgjatjen e bashkëpunimit që do të thotë se gjermani duhet të kërkojë për një ekip tjetër. E përditshmja gjermane “Bild” zbulon dëshirën e madhe të portierit legjendar.
“Kur të kemi intervistuar 11 muaj më parë na the se nuk ishte një objektiv i yti të qenit portieri më jetëgjatë, duke na shtuar gjithashtu se përpara sportit preferoje shëndetin, një cilësi të lartë jetese dhe pse jo të shuaje mungesën e futbollit duke luajtur tenis me miqtë. Por tani na thua se nuk është e thënë se karriera duhet të mbyllet me çdo kusht në moshën 40 vjeç apo përpara saj. Kjo frazë, i dashur Manuel, është konfirmimi i saktë i yni që nuk na e ke pranuar kurrë.
Ti je i fiksuar me kolegun tënd Xhanluixhi Bufon, i cili do të festojë 44-vjetorin e tij në janar, teksa vazhdon që të luajë dhe aktualisht po mbron portën e skuadrës së Parmës. Dhe duke qenë i fiksuar edhe nga krahasimet e së kaluarës me portierin italian, ti je i bindur se karriera jote mund të rezistojë edhe për 10 vite të tjera, pasi kështu mund të shkosh në moshën 45-vjeçare ende në fushë. Edhe pse nuk do ta pranosh kurrë, Bufon ka qenë dhe mbetet ende stimuli yt”, përfundonte shkrimi i “Bild”-it.
