Pas protestës së ditës së djeshme, Sekretari i Përgjithshëm në Partinë Demokratike, Flamur Noka ka reaguar në rrjete sociale duke publikuar pamje të dy të rinjve që sipas tij janë dhunuar gjatë tubimit të 20 shkurtit.
Noka shkruan krahas pamjeve se asgjë nuk harrohet sidomos barbaria ndaj dy të rinjve të pafajshëm, ndërsa thekson se çdo kapërcim ligji do të shpaguhet.
“Banditët me uniformë duhet të dinë një gjë: Tmerrin e Ramës e Ballës ndaj protestës madhështore nuk duhej ta shfrynin me dhunë ndaj të pafajshmëve. Urdhëruesit do i braktisin siç po i braktis Rama bashkëpunëtorët e tij një e nga një. Do përballen me ligjin dhe demokratët! Asgjë nuk harrohet e sidomos kjo barbari ndaj dy të rinjve të pafajshëm, Z. Andrea Malia e Z. Kindi Toli. Çdo kapërcim ligji do të shpaguhet! Ne nuk e harrojmë këtë dhunë barbare ndaj njerëzve tanë, që protestuan qytetarisht e paqësisht”-shkruan Noka.
Discussion about this post