Flamur Noka, Sekretar i Përgjithshëm në PD-në e drejtuar nga ish-Kryeministri Sali Berisha, u shpreh se 20 shkurti do të tregojë forcën e vërtetë të shqiptarëve në demokraci.
Referuar protestës së thirrur nga opozita, Noka iu bëri thirrje qytetarëve që më 20 shkurt t’i tregojmë se ku qendron forca e vërtetë dhe e pandalshme e popullit shqiptar në demokraci.
“Merita e arritjes së bashkimit, e ndalimit të skenarit ogurzi për copëtimin e opozitës, është e juaja, e demokratëve këtu e kudo në bazë.
E atyre burrave e grave që me maturi e kthjelltësi na dhanë mesazhin të kthehemi në rrugën e duhur. Ne kemi nisur prej muajsh një aksion të fortë në parlament, me gjithë mundësitë e pakta që opozita ka, përballë një qeverie që mbrohet me gardë e që i ndryshon rregullat si t’ia dojë qejfi, vetëm për të ndëshkuar kundërshtarin.
Sa më shumë shton gardën e policinë, sa më shumë sul gjyqësorin, aq më shumë shfaq frikë për zullumet që ka bërë.
Ne do i tregojmë më 20shkurt se ku qëndron forca e vërtetë në demokraci. Do i tregojmë se fuqia e pandalshme është e njerëzve, e popullit.
Edi Rama do ta marrë këtë leksion! Ai nuk meriton ndryshe, nuk ka lënë vend që populli t’i japë biletë kthimi”, tha Noka në takimin e zhvilluar me demokratët në Malësinë e Madhe, ku të pranishëm ishin deputetët e Qarkut të Shkodrës, por edhe kreu i Grupit Parlamentar, Gazment Bardhi.
Discussion about this post