Sekretari i Përgjithshëm i PD-së Flamur Noka ka zhvilluar një takim në Elbasan nga ku është është shprehur se SHBA janë me kreun e PD-së Sali Berisha.
Noka ka deklaruar se Rama qëndroi në pushtet prej 12 vitesh se kishte bekimin e Soros, Blinken dhe Yuri Kim që bekonin çdo batërdi që u bënte shqiptarëve.
“Amerika është me Sali Berishën. Nuk bekohet më kukulla e SOROS në Shqipëri.Përse Edi Rama qëndroi 12 vjet në pushtet? Dhe u krijua idea që ky nuk mundet? Sepse kishte bekim nga George Soros, Blinken dhe Yuri Kim, që bekonin çdo batërdi që ai u bënte shqiptarëve”, thotë Noka.
Sipas Nokës Rama tanimë nuk mund të rrëmbejë votën dhe as ta blejë atë sepse nuk do t’i vijë kurrë më bekim nga Amerika.
“Edi Rama nuk mundet më as të rrëmbejë votën dhe as ta blejë, sepse nuk do t’i vijë kurrë më bekim nga Amerika, por do t’i vijë mallkimi dhe ai e ndjen këtë gjë. Prandaj e keni parë të sillen si kali nëpër lëmë, i dëshpëruar dhe që flet përçart.
Se në 12 vite na drejtonte gishtin ne dhe na thoshte ‘Amerika është me mua’. Tani ndërroi rrota e historisë. Amerika është me Sali Berishën, është me demokratët. Ajo Amerikë që çrrënjosi Soros-in nuk bekon kurrë kukullën e tij. Prandaj ka ardhur strategu i fushatës së Presidentit Trump dhe është atashuar te PD, për të çrrënjosur kukullën e Soros-it në Shqipëri”, shkruan Noka.
Discussion about this post