Deputeti i Partisë Demokratike, Flamur Noka, ka qenë i pranishëm në një takim me qytetarë në Prrenjas, ku i pranishëm ishte edhe ish-kryeministri Sali Berisha.
Gjatë fjalës së tij, Noka tha se Prrenjasi dhe qytetarët e tij janë të vjedhur nga qeveria e kryeministrit Edi Rama.
Sipas Nokës, ndryshimi është rruga e vetme dhe ftoi qytetarët që në 14 maj të votojnë masivisht koalicionin “Bashkë Fitojmë” dhe kandidaten e këtij koalicioni në Prrenjas, Suzana Topi.
“Pak ditë na ndajnë nga mbyllja e fushatës. Në këto ditë fushate ne kemi diskutuar disa here me qytetarët. Kemi parë hallet e tyre dhe kemi konstatuar se Prrenjasi, Rrajca dhe Quksi kanë nevojë për ndryshim. Ndryshimi është zgjidhja.
Ne kemi prekur hallet e njerëzve dhe megjithëse mjerimi që qeveria ka sjellë i ka vënë poshtë këta banorë, ata nuk e kanë humbur shpresën. Ky vend është i vjedhur nga qeveria e Edi Ramës dhe rrugën e kanë zgjedhur banorët e Prrenjasit. Ndryshimi është rruga e vetme, është vota juaj që do të bëjë realitet ndryshimin”, u shpreh Noka.
Discussion about this post