Deputeti i Partisë Demokratike Flamur Noka ka reaguar pas pretendimeve të Sali Berishës se në selinë blu janë shfaqur persona të armatosur të cilët kanë bërë presion ndaj mbështetësve të tij për t’u larguar nga selia. Noka i ka cilësuar si operacioni “Brava”, teksa thotë se nuk i ka parë sepse në të kundërt do të fliste ndryshe. Noka ka vijuar të shigjetojë kreun aktual të PD-së Lulzim Bashën, duke thënë se ka rrethuar selinë blu prej dy ditësh me policët e tij. Noka nënvizon se PD-ja është shtëpia e çdo demokrati, ndaj askush nuk mund t’i ndalojë ato që të hyjnë në ambientet e brendshme të selisë.
“Po presim drejtuesit e forumit dhe do të vazhdojmë. Konflikt fizik? Kjo është shtëpia jonë, shkojmë e vijmë përditë. Nëse mendojnë se do i marrim leje dikujt, kjo pastaj i kapërcen kufinjtë e çmendurisë. Shoqata e bravave mendon se i mbyll shtëpinë demokratëve. Këto janë gjëra të neveritshme. Basha e tregon veten se kush është, thjesht bravaxhi. Si do e luftojë Edi Ramën, kur e ka rrethuar 2 ditë partinë me policët e tij? Unë nuk kam parë se po të kisha parë do të flisja ndryshe. Banda e bravave është kthyer në bunker. Operacioni “Brava”. Si mund të përballet me Ramën kur lutet t’ja mbrojë partinë? Qesharake.”
Dy ditë pas Kuvend Kombëtar ish-kreu i PD-së Sali Berisha, sëbashku me mbështetësit e tij ka vendosur që të shkojë në selinë e Partisë Demokratike. Ai është shprehur se do të zhvillojë mbledhjen me atë që ai e cilëson si Komision i Rithemelimit të PD-së.
Discussion about this post