Noka: Rama dhe pengu i tij e kanë kthyer PD në një “Alkatraz”

Mbështetësit e ish-kryeministrit Sali Berisha tentuan sërish ditën e sotme të futeshin në selinë e PD, por pa sukses pasi dyert ishin të mbyllura.

Në një prononcim selia blu, deputeti Flamur Noka u shpreh sot se është i keqardhur që shtëpia e lirisë, sikur e quan ai PD, është kthyer në një Alkatraz, të kohëve moderne.

“Dua pikë së pari që mediave, gazetarëve dhe kameramanëve t’ju uroj vitin e ri. Ajo që po konstatojmë me dhimbje është se shtëpia e lirisë, Partia Demokratike duhej të ishte në një ambient festiv, ndërsa për fat të keq Edi Rama e ka kthyer me pengun e tij në një “Alkatraz”. Pengu i Edi Ramës mund të rrijë vetëm i burgosur. Edi Rama e ka shumë gabim, ai mund të burgos pengun e tij, mund t’i krijojë kushtet pengut të tij për një “Alkatraz” modern, por data 8 do të jetë një datë ku demokratët do të marrin frymë lirisht, më datë 8, PD do të kthehet në shtëpi të lirisë”, tha Noka.