Edi Rama po e shfrytëzon Lulzim Bashën në mënyrën më mizore dhe në fund e denigron. Akuza vjen nga deputeti Flamur Noka, sipas të cilit ajo që dihet botërisht është se Lulzim Basha është peng i Edi Ramës.
Në një intervistë për “Task Force”, Noka shprehet se Rama atë që e blen e shfrytëzon në mënyrën më mizore dhe në fund ai e denigron.
“Keqpërdorim të tillë është e vështirë të imagjinohet.
Tani jemi në fazën e denigrimit të Bashës nga ana e Ramës dhe besoj se tani është koha që kolegët që besojnë sadopak te ai të largohen”, tha Noka.
Në vijim ai ka dhënë detaje mbi rezolutën që PD ka hartuar në lidhje me sulmin terrorit në Kosovës.
Noka tha se rezoluta që Rama ka ndërmend të hartojë nuk përmend në asnjë pikë Vuçiç dhe kërkon që agresori të bëjë hetim për agresionin e vet.
“Rezoluta që PD ka hartuar është e njëjtë me atë që ka miratuar parlamenti i Kosovës, ata kërkuan që të bëhen modifikime dhe ne ramë dakord që mund të bëhet ndonjë shtesë po asnjë pikë nuk i hiqet, por rezoluta që ata duan të kalojnë, e Rilindjes nuk e përmendin në asnjë pikë Vuçiçin. Ata kërkoj në që hetimet në sulmin terrorit në Kosovë ti bëjë Serbia dhe kjo nuk sjell asnjë të mirë për shqiptarët.
Ne kemi rezolutën tonë dhe kemi kërkuar që të gjendet një gjuhën e përbashkët ku të përfshihet dhe dorëzimi i Radoiçiç në shtetin ku ai ka kryer krimin,në Kosovë dhe të bëhete hetimi së bashku me partnerët ndërkombëtar dhe jo agresori të bëjë hetimin e agresionit të tij.
Vetëm me faktin që Radoicic është në mbrojtje të qeverisë serbe dhe Vuçiç ku kishin për qëllim destabilizimin e Veriu të Kosovës dhe ta kthente në një Krime të vogël në Ballkan. Rezoluta që Rama po kërkon të hetojë nuk mbron Kosovën por mbron Vuçiçin”, tha Noka.
Discussion about this post