Socialistët pritet të mbledhin grupin parlamentar ditën e martë të javës së ardhshme, fokusi i së cilës pritet të jetë non grata e ish deputetit Aqif Rakipi nga SHBA dhe dorëzimi i emrave të propozuar nga deputetët socialistë për emrin e Presidentit e ri.
Grupi parlamentar socialist pritet që të marrë një vendim politik në lidhje me të paktën dy mandate deputetësh të fituara nga ndikimi i drejtpërdrejtë i Aqif Rakipit në fushatë, i cili përshkruhet nga SHBA si një ish-deputet “famëkeq” me ndikim të dëmshëm dhe destabilizues në proceset politike në Shqipëri.
Djali i tij, Ornaldo Rakipi u zgjodh deputetë në listat e PS në zgjedhjet e fundit me mbështetjen e Rakipit ku ndonëse ishte renditur kandidati i 30-të në listë, arriti të thyente herësin duke lënë jashtë emra me kontribut të rëndësishëm në PS.
Discussion about this post