Kryedemokrati Lulzim Basha ka komentuar edhe njëherë vendimin e SHBA-së për shpalljen non-grata të ish-kryeministrit Sali Berisha, duke deklaruar se vendimi i departamentit të shtetit është i qartë. Ndërsa ka theksuar se kjo e shkuar do të lihet pas dhe se partia demokratike do të fokusohet në të ardhmen për gjithë shqiptarët.
“SHBA ka folur qartë me një vendim që është publik për arsye për të cilat Berisha është shpallur non grata. Nuk ka dy realitet ka një të cilën nuk kemi mundësi ta ndikojmë e kemi pranuar siç e kemi pranuar. E vetmja gjë që kemi marrë në dorë është marrja e vendimit. PD do të vazhdojë rrugën drejt të ardhmes jo vetëm për anëtarët dhe votuesit të saj po në emër të gjithë shqiptarëve dhe familjeve shqiptare”, ka deklaruar Basha.
Discussion about this post