Ish-lideri i Partisë Demokratike, Sali Berisha u shpreh sot nga Librazhdi se nuk ka kërkuar asnjë ndihmë lidhur me vendimin për shpalljen “non grata” nga Departamenti i Shtetit, ndërsa çështjen do e ndiqte në Gjykatë.
Ai tha se Foltorja s’ka lidhje me vendimin e DASH, por ka lidhje me vendimin e pavlerë të peng-kryetarit, i cili vendosi të më përjashtojë nga Grupi Parlamentar, duke shkelmuar forumet.
“Lulzim Basha humbi 4 palë zgjedhje dhe nuk mund të jetë më Kryetar i PD-së. Dosja ime në DASH nuk ka asnjë provë apo fakt, këtë ma kanë thënë persona që e kanë parë dosjen. Nga personalitete të politikës Europiane dhe më gjerë më është thënë se vendimi i DASH është i papranueshëm, pasi as jemi pyetur as na kanë dhënë prova. Po pse e thonë këto atë? Sepse nuk mund të pranojnë deklaratat kur thuhet prova ka, por ne nuk i japim. Zero prova ka për Sali Berishën” – u shpreh ish-Kryeministri.
Gjithashtu Berisha tha se personalitete shumë të rëndësishme amerikane, në radhët e Republikanëve, po mbështesin Foltoren, pasi po e shikojnë se ne po luftojmë me mafien e George Soros, që është një rrezik, jo vetëm për Shqipërinë.
Discussion about this post