Pasi bëri publik vendimin e Mbretërisë së Bashkua, ku Berisha është shpallur non-grata, ky i fundit është pyetur në lidhje me ndikim që ka kjo në PD. Një nga gazetarët në konferencë pyeti krydemokratin nëse po iu faturon një barrë të madhe demokratëve, duke marr postin drejtues tani është shpallur dy herë non-grata. I prerë Berisha tha se jo, përkundrazi po iu bën një ndër, pasi po lufton për drejtësinë e popullit.
“Unë po nderoj demokratët dhe vendin se po luftoj për dinjitetin e tyre. Unë jam i bindur se ata do të kenë të gjitha shanset me votë, që të japin vendimin e tyre. Koha po tregon se ata njerëz që e ndjekin Sali Berishën, nuk e ndjekin për sytë e bukur, por për idealet që ai mbron. U shtuan e u shtuan, derisa e detyruan Edi Ramën që të bëjë antimiting. Unë çdo gjë e bëj për shqiptarët, jam i inkurajuar nga një mbështetje në rritje e tyre”, tha Berisha. Ndërsa i vendosur tha se askush nuk mund të gjejë një fakt se ai ka lidhje me krimin dhe korrupsionin.
Discussion about this post