Deputeti demokrat Edi Paloka, ka komentuar vendimin e fundit të Departamentit Amerikan të Shtetit, për shpalljen non-grata të ish-deputetit Aqif Rakipi. Gjatë një interviste televizive ai e quan pozitiv faktin se politika po pastrohet, por thekson se, as Rakipi e as ata që janë mbrapa burgut nuk janë aq të rëndësishëm sa kryeministri Edi Rama. Sipas tij Rama duhet të jetë ai që duhet shpallur non-grata dhe vendimet për këta tjerët nuk vlejnë për aq kohë sa shefi i tyre është ende i lirë.
“Unë kam një koment vetëm, për mua kryekrimineli, ai që mban mbi supe të gjithë kusuret edhe të atyre që janë sot mbas hekurave të burgut ka vetëm Edi Rama. Gjithë të tjerat janë kot nëse Rama vazhdon të jetë aty dhe i lirë. Të më thuash mua se Rakipi paska destabilizuar stabilitetin në rajon e kupton edhe vetë se s’mund ta marrësh kaq seriozisht. Të gjithë këta personazhe nuk janë asgjë pa shefin e tyre që ju lëviz telat dhe i komandon. Ka vetëm një njeri që duhet të jetë non-grata dhe pas hekurave ai është Edi Rama”, tha Paloka. Sakaq, ai tha se këto vendime tregojnë që qeveria shqiptare është e kapur nga krimi dhe duhet larguar sa më parë.
Discussion about this post