Kryeministri Edi Rama është tërhequr nga një deklaratë e thënë më herët prej tij.
Ai tha se nuk ka paralajmëruar asnjë lloj non grate.
Rama: Nuk kam paralajmëruar asnjë nongrata!
Thjesht kam kujtuar se politika e amerikanëve nuk është muhabet leku, gjize dhe byreku siç bëjnë nongratat e Tiranës, po strategjike që si ndryshojnë nga retë në pantallonat e gjelave të katundit tonë politik!
Deklarata e djeshme e Ramës
Një ditë më parë, kreu i Qeverisë paralajmëroi në Kuvend se në Departamentin Amerikan të Shtetit po përgatitet shpallja e një tjetër politikani me rëndësi në Shqipëri “Non-grata”. Rama tha se ajo që opozita e mendon si “byrektore”, referuar DASH, është duke e bërë punën. Kryeministri tha se me emër, do e shohin shumë shpejt.
“Deri atëherë, kujdes se byrektorja vijon punën, gjiza ka arritur dhe okllaia po ushtron brumin tjetër për tavën që pret të hyjë në furrën e rindezur. Personin në fjalë do e shihni vetë”-tha Rama dhe menjëherë pas kësaj fjalie u largua nga Kuvendi.
Discussion about this post