Notat për kuqezinjtë/ Asllani dhe Mitaj më të mirët në fushë, zhgënjen Broja

Kombëtarja shqiptare fitoi 1-0 ndaj Letonisë në “Air Albania”, në ndeshjen e vlefshme për kualifikueset e Kupës së Botës 2026.

Kuqezinjtë siguruan tri pikë të rëndësishme falë golit të Kristjan Asllanit, i cili së bashku me Mario Mitajn, rezultojnë lojtarët me notën më të lartë sipas faqes së specializuar të statistikave “Sofa Score”.

Asllani dhe Mitaj u vlerësuan të dy me 8.3, ndërkohë që podiumi plotësohet nga Hysaj me notën 8.1.  Tabela mbyllet me dyshen Daku-Pajaziti, që u aktivizuan në minutën e 82-të.

Ndërkohë zhgënjim mund të quhet Armando Broja. Sulmuesi i Burnley në Premier League, është vlerësuar me notën e ulët 6.6. Më poshtë do të njiheni me notat e të gjithë lojtarëve të Kombëtares.