Këngëtarja Ronela Hajati ka bërë reagimin e saj të parë, pas skualifikimit të Shqipërisë nga Eurovizion, pa prekur natën finale. Mbrëmjen e djeshme Ronela është shprehur se edhe nëse do të kishte shkuar në finale, do të kishte qenë në renditjen e fundit, duke aluduar në këtë mënyrë me skemën e votimit në Eurovizion, ku më së shumti shtetet votojnë për fqinjët e tyre dhe jo për më të mirin. Këngëtarja e njohur përmes një postimi në rrjetet e saj sociale është shprehur gjithashtu së e ka fituar Eurovizionin e saj sepse ka fituar turmën.
“Edhe sikur të isha në finale do të isha e fundit! E di! Por sasia e dashurisë që kam marrë është e madhe! Unë fitova Eurovizionin sepse fitova turmën! Dhe turma ka gjithmonë të drejtë! JU DUA”.
Mbi këngëtaren gjatë 24 orëve të fundit ka pasur një boom komentesh negative, kryesisht për tansformimin që pësoi kënga, për mungesën e tekstit, apo dhe për performancën e Ronelës në skenë.
Këngëtarja shqiptare vendosi që të guxojë qoftë me veshjen, qoftë me koreografinë, vendim ky i cili duket se nuk u përkrah nga shumica e publikut shqiptar.
E siç është zakon në raste të tilla, rrjeti kryqëzoi këngëtaren edhe për peshën e saj, që në fakt do të ishte faktori i fundit që ndikonte në performancën e saj.
Discussion about this post