Në mbledhjen e Këshillit për Rregulloren, Mandatet dhe Imunitetin, që u mbajt sot në Kryesinë e Kuvendit, u diskutua si pjesë e çështjeve të ditës edhe propozimi i sjellë nga opozita në lidhje me vetëdeklarimin e deputetëve nëse e kanë përdorur apo jo aplikacionin “Sky ECC”.
Mbi këtë temë u shprehën disa nga deputetët e pranishëm, për të cilët edhe deputeti i PD-së, Saimir Korreshi.
Korreshi në fjalën e tij nuk i ka kursyer batutat. Ai tha se nuk ka rezultuar që ndonjë nga përdoruesit e aplikacionit, ta ketë përdorur “Encrochat”-in për të bërë ‘puçi puçi me gruan”.
“Nuk ke pse e përdor për qëllime të sinqerta. Në ‘EncroChat’ nuk bën puçi-puçi me gruan. Më vjen keq. Nuk e qëllojmë dot që një deputet të ketë folur me gruan me ‘EncroChat’. Pse të mos ndryshojë rregullorja. Kaq transparencë mund t’ua bëjmë njerëzve. Pastaj nëse ka folur me gruan nuk ka ndonjë gjë të keqe”, tha Korreshi.
Discussion about this post