Një 45-vjeçar është proceduar nga policia që i ka sekuestruar 24 900 euro. Shuma monetare, sipas bluve, nuk ishte deklaruar në doganën e Morinës nga 45-vjeçari, i cili po hynte në Shqipëri nga Kosova.
“Në hyrje të RSh-së është kaluar në vijën e dytë për kontroll të detajuar automjeti tip ‘Benz’, me drejtues shtetasin I. Z. Nga kontrolli fizik, këtij shtetasi iu gjetën rreth 24 900 euro që po tentonte t’i fuste në Shqipëri, pa i deklaruar konform ligjeve në fuqi”, njoftoi policia.
“Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin kosovar I. Z., 45 vjeç, banues në Lipjan, Kosovë, për veprën penale ‘Mosdeklarimi në kufi i të hollave dhe i sendeve me vlerë’. Gjithashtu, në cilësinë e provës materiale u sekuestrua shuma e parave”, shtuan të njëjtat burime.
Discussion about this post