Policia në Rinas ka proceduar një 32-vjeçar rumun, pasi nuk ka deklaruar paratë në kufi. Sipas policisë, janë sekuestruar një shumë prej 18 500 paundësh.
“Gjatë kontrollit fizik, këtij shtetasi iu gjetën 18 500 paund të cilat ai nuk i kishte deklaruar në kufi, siç e përcakton ligji”, tha policia.
“Rinas/Goditet një tjetër rast i mosdeklarimit të të hollave në kufi.
Sekuestrohen si rezultat i kontrolleve të shtuara nga Policia Kufitare, 18 500 paund.
Procedohet penalisht 32-vjeçari (shtetas rumun) që nuk i deklaroi në kufi, siç e përcakton ligji.
Shërbimet e Policisë Kufitare Rinas, në vijim të kontrolleve të shtuara, të bazuara në analizën e riskut, për evidentimin dhe goditjen e paligjshmërive, në hyrje të RSh-së, kanë kaluar në vijën e dytë, për kontroll të detajuar, shtetasin rumun A. C.
Gjatë kontrollit fizik, këtij shtetasi iu gjetën 18 500 paund të cilat ai nuk i kishte deklaruar në kufi, siç e përcakton ligji.
Shuma e parave u sekuestrua në cilësinë e provës materiale.
Materialet procedurale u referuan në Prokurori, në ngarkim të shtetasit rumun A. C., 32 vjeç, banues në Angli, për veprën penale “Mosdeklarimi në kufi i të hollave dhe i sendeve me vlerë””, njoftojnë uniformat blu.
Discussion about this post