Avokati Spartak Ngjela në një postim në rrjetet sociale, është shprehur i habitur për pasurinë e pajustifikueshme të komisarit Arjan Tase, i cili u la në burg për vrasjen e Jonada Avdisë në bregdetin e Potamit. Ngjela shprehet se pikërisht komisari që vrau Jonadën e pafajshme, ka para dhe prona që nuk dihet si i ka fituar.
“Arjan Tase, shefi i Komisariatit të Himarë, pasi vrau në det me skafin e tij fëmijën e pafajshme, na del të jetë një pasanik me para e prona që nuk dihet si i ka fituari këto para këto e prona.
Historia botërore e krimit shtetëror na ka mësuar se një rast kriminal i befasishëm i një oficeri të lartë policie, si rregull, jep shtysë psikologjike dhe logjike për të arsyetuar me fakte dhe për të goditur të gjithë bashkëpunimin e policisë së shtetit me krimin.
Në fakt ky është një nga aspektet e korrupsionit në Shqipëri.
Të shohim, a do të krijohet pas këtij rasti një reaksion pozitiv për ta zhbërë korrupsionin në Policinë e Shtetit, apo ky do të mbetet një rast i izoluar e asgjë më?”-shkruan Ngjela.
Discussion about this post