Lewis Hamilton mund të mos e kalojë kurrë pikëllimin për ‘vjedhjen’ e atij që do të kishte qenë titulli i tetë rekord botëror në Formula 1, tha të enjten shefi i ekipit të Mercedes, Toto Wolff në komentet që ngrenë pikëpyetje për të ardhmen e pilotit britanik në sport.
Wolff, duke folur me gazetarët për herë të parë që nga gara e së dielës në Abu Dhabi dhe pasi Mercedes braktisi planet për apelim, tha se ai dhe Hamilton nuk do të merrnin pjesë në ndarjen e çmimeve të FIA-s në Paris atë natë.
Pjesëmarrja është e detyrueshme për tre pilotët më të mirë në kampionat dhe Mercedes fitoi gjithashtu titullin e konstruktorëve për të tetin vit radhazi të paprecedentë.
Hamilton përfundoi i dyti pas Max Verstappen të Red Bull, pasi piloti holandez e kaloi atë në xhiron e fundit në “Yas Marina”, duke përfituar nga tërheqja e makinë së sigurisë.
“Do të na duhet shumë kohë për të pranuar atë që ndodhi të dielën. Nuk mendoj se do ta kapërcejmë ndonjëherë”, tha Wolff.
Discussion about this post