“Nuk do i bashkohen grupit ‘non grata”, Salianji: Shumica e partive do të koalicionit do mbështesin PD

Në një intervistë për “Opinion”, deputeti i Partisë Demokratike, Ervin Salianji tha se shumica e partive që kanë qenë pjesë e koalicionit te 25 Prillit do të mbështesin kandidatët e PD në zgjedhjet e 6 marsit.

Salianji u shpreh se mbështet këtë deklaratë në ecurinë e negociatave që po zhvillohen, ndërsa tha se aleatët nuk do të guxonin të shkonin në një grup “non grata”. Teksa komentoi bashkimin e Sali Berishës me LSI, deputeti i PD u shpreh se ajo është një parti më afër të majtës se të djathtës, pasi edhe në zgjedhjet e fundit garoi më vete.

Pjesë nga biseda në studio:

Salianji: Nga negociatat që po zhvillohen shumica e partive që kanë qenë në koalicion do të mbështesin kandidatët e PD.

Fevziu: Zoti Duka dhe Shehi thanë që do t’i lënë të lirë votuesit e tyre të zgjedhin kandidatin që preferojnë…

Salianji: Asnjë prej aleatëve edhe nëse do të donin të shkonin me grupin e rithemelimit nuk do të guxonin të shkonin në një grup non grata.

Fevziu: Largimi i LSI ?

Salianji: Është e përhershme, një parti më afër të majtës se të djathtës, edhe në zgjedhjet e fundit garoi më vete.

Argumenti ishte që nuk mund të votojë një i majtë një parti të djathtë dhe anasjelltas. Ajo që nuk bëhej në zgjedhjet e 25 Prillit po ndodh tani.