Real Madrid ka vetëm një qëllim dhe ai nuk është tjetër veçse Kylian Mbappe. Përpjekjet e liderëve të ‘Los Blancos’ janë përqendruar në nënshkrimin me francezin dhe do të vazhdojnë derisa të ketë një rezultat në çfarëdo kuptimi.
Cristiano Ronaldo nga ana tjetër është duke kërkuar për një klub që nuk është më Juventus, që tashmë me Allegrin po tenton afrimin e lojtarëve si Pjanic dhe Locatelli, futbollistë që trajneri i konsideron thelbësorë dhe të cilët tani për tani nuk kanë asnjë shans për të nënshkruar me klubin italian nëse nuk largohen disa nga emrat aktual të ‘Bardhezinjëve’.
Marrëdhënia e mirë që ekziston midis yllit të portugalisë dhe Ancelotti që në momentin kur të dy ishin te Real Madrid, ka bërë që kontakti të mos prishet kurrë. Ditët e fundit raportohet se ata kanë folur përsëri. Ancelotti e vlerëson sulmuesin më shumë se pozitivisht, por klubi Madrilen aktualisht nuk po e konsideron ende kthimin e lojtarit të Juventusit.
Portugezi dëshiron të largohet nga Juventusi. Ky ka qenë synimi i tij prej muajsh. Destinacioni i tij i parë i mundshëm, të paktën në kokën e tij, ishte Real Madrid. Ronaldo iu ofrua, muaj më pare, Realit, por nga Santiago Bernabeu ata nuk e hapën derën duke pasur parasysh se ai ishte tashmë pjesë e së kaluarës.
Ata e vlerësojnë portugezin pozitivisht dhe kanë një marrëdhënie të shkëlqyer me të, por strategjia e klubit drejtohet drejt një objektivi tjetër që mban emrin Kylian Mbappe./Gijotina.com
