“Nuk do sfidojmë asnjë kandidat të PD”, Meta mbështet hapur Berishën

Marrëveshjen me Partinë Demokratike për zgjedhjet lokale që do të zhvillohen vitin e ardhshëm, kryetari i PL Ilir Meta e quajti si të përfunduar. Ai u shpreh përballë gazetarëve se forca e tij politike do të mbështesë çdo kandidat të PD, ndërsa vetë do fokusohet te këshillat bashkiakë.

“Për mua marrëveshja është e përfunduar. Ne do të mbështesim çdo kandidat që do të konfirmojë Partia Demokratike, e vërteta. Për mënyrën si do të përzgjidhet kandidati përgjegjësia i takon PD-së dhe Sali Berishës. Ne do synojmë maksimumin në këshillat bashkiakë. Nuk do ketë asnjë kandidat nga Partia e Lirisë që sfidon kandidatët e Partisë Demokratike”, tha Meta.