Edhe pse janë përfolur prej kohësh për një lidhje, modelja e njohur Dorina Gegiçi dhe menaxheri i njohur, Denis Avdiu kanë konfirmuar se janë bashkë në një lidhje. Thashethemet kanë qarkulluar që nga viti i kaluar por dyshja janë treguar hermetikë duke e mbajtur lidhjen larg syrit të publikut.
Mirëpo, nga ana tjetër ka qenë ditëlindja e modeles që i ka shtyrë që të dalin publikisht bashkë dhe mos të ruhen më. Avdiu, i cili është menaxher i këngëtarit Butrint Imeri, njëherësh themelues i AVD Digital, ka publikuar një fotografi me partneren e tij modele, teksa e ka uruar për ditëlindje.
“Urime ditëlindjen”, ka shkruar ai krahas një fotoje me modelen, të cilën e ka shoqëruar me një emoji zemër. Ndërsa modelja e ka ripostuar fotografinë në profilin e saj, teksa ka shkruar: “Të dua”.
Discussion about this post