Biznesmeni Nazmi Çangu ka rrëfyer tmerrin dhe dhunën e grabitësve, të cilët pasi e goditën duke e gjakosur i morën edhe një shumë të konsiderueshme lekësh dhe bizhuterish, sipas tij gati 100 mijë euro. Në një intervistë për mediat, biznesmeni ka shpjeguar të gjithë kronologjinë e grabitjes.
“Automatikun ma vendosën në kokë, më shtypën tre veta. Kam punuar në Krujë, Kavajë, Rinas, Kamëz. Kam bërë edhe një kërkesë leje arme para 8-9 muajsh për të mbajtur pistoletë dhe ka 8-9 muaj që nuk më kthejnë përgjigje për armën e vogël. Dhe kjo dyshoj. Dy i kam, një shotgun dhe një çifte, i morën grabitësit mbrëmë” – tha ai.
Më pas ai tregoi si i morën lekët duke i çmontuar kasafortën, ndërkohë ndër të tjera tregon se ka qenë polic në vitin 2007 dhe është hequr për çështje politike.
“Në një qese pata lënë nja 8 mijë euro 20-çe. Ranë çelësat dhe i kapën dhe i thanë njëri tjetrit “i gjetëm çelësat” dhe u turrën te kasaforta, e sakatuan, morën çfarë gjetën brenda. Kisha dollarë kanadezë, euro, lekë, nuk di më shumë dhe vlerën fikse se jam në biznes. Kam lokale, bujqësi, pemëtore me ullinj. Deri në 2007 isha në polici të shtetit më pas ika në drejtorinë e mjedisit në Durrës dhe më pas më hoqën, jo i PS-së, jo i LSI-së dhe kam parë punën time. Ne na kanë quajtur si të djathtë, por besim nuk kam as te të djathtët, as te të majtët. Nuk kam punë me asnjë” – u shpreh Çangu.
Ai më tej shprehet se këtë ngjarje nuk do ta fal dhe për këtë mund të marrë dhe hak.
“Ne jemi 7-8 vëllezër këtu, besoj se po t’i dalim, ishallah del, por edhe po nuk doli unë nuk do ta fal gjakun pa vdekur” – përfundoi Nazmi Çangu, i cili pasi mori mjekim është rikthyer në shtëpi, ndërsa policia vijon hetimet.
Për grabitjen në Nikël dhe vrasjen mbrëmë në Fier ka reaguar edhe Partia Demokratike duke akuzuar qeverinë se gjendja e rendit publik në vend.
