Presidenti, Ilir Meta, ka dalë një deklaratë të fortë ditën e sotme. Ai ka paralajmëruar se ngjarje të reja do të ndodhin në politikën shqiptare. Me anë të një videoje të postuar në rrjetin social “Facebook”, Meta ka thënë se së shpejti nuk do të ketë më “pseudo opozitë”, duke konfirmuar kështu rikthimin e tij në politikën aktive pa mbarimit të mandatit të presidentit.
“E ardhmja e opozitarizmit do të jetë krejt ndryshe nga deri më tani. Nuk do të ketë më pseudo-opozitë, që ju ikën betejave dhe që është shembulli më i keq i respektimit të parimeve demokratike brenda saj, duke favorizuar cenimin e demokracisë dhe legjitimuar për fat të keq, kapjen e shtetit dhe krijuar gjoja idenë se, nuk ekziston një alternativë e opozitës. Opozita është kudo, në çdo rrugë dhe në çdo rrugicë të Shqipërisë”, deklaron Meta.
Kujtojmë se pak orë më parë ai i ka bërë thirrje qeverisë që të ndërmarrë hapa për shpëtimin e vendit dhe arsimit nga kriza, duke theksuar se as opozita nuk po bën punën e saj.
Discussion about this post