Darëzeza e Gramshit rrezikon të shpopullohet. Burime për gijotina.com bëjnë me dije se nga 400 familje tashmë kanë mbetur afro 200 prej tyre, ku shkak ka qenë mungesa e investimeve ndër vite nga shteti. Përveç 2 muaj turizëm, baza e të ardhurave familjare janë bujqësia e blegtoria. Ndërkohë që sezonin turistik e patën të mbarë, në bujqësi kanë falimentuar. Shkaku është çarja e sifonit në lagunën e Semanit çka ka bërë që uji i kripur të përmbyti tokat bujqësore e prodhimi të kalbet në ara. Kjo për shkak edhe të mos funksionimit të dy hidrovoreve gjatë stinës së thatë të verës.
“Pak a shumë jemi marrë më tokë, por nuk vlen më. Këtu ka qenë e tokë kripur, qëkur kemi ardhur ne, investonte shteti asaj kohe edhe nuk linte asnjë pëllëmbë toke pa punuar. Shteti, mbillesh, s’mbyllesh parcela do punohesh. Tani nga ’90-ta e këtej nuk do ta dijë njeri fare se të punohet toka se të pastrohen kanalet, që i vetmi vit që ka niveli i kanaleve ka qenë më lart se gjithë vitit. Dy shokët e mi që kanë mbjellë u janë kalbur shalqinjtë në parcelë se ngrihej niveli i ujit. Ska bërë vaki asnjë vit, këtë vit është rritur niveli i ujit. Fermerët e shkretë kanë mbetur pa toka. Kanë vajtur i kanë marrë shalqinjtë atje, nëpër baltë. Ska bërë vaki si sivjet. Asnjë njeri nuk interesohet. Nuk i vinin në punë hidrovoret, dhe futej uji i kripur nga Semani. Banorët këtu nuk vadisin dot uji është i kripur dhe proshimet janë kalbur”, është shprehur banori.
Ndër të tjera ata pohojnë faktin se sezoni veror qe i mbarë por bujqësia që dominon muajt e tjerë të vitit ka dështuar shkak ri kripëzimi i tokave. Do i drejtohemi kryeministrit Rama, thonë ata, që të hapi portat e hidrocentralit në Gramsh e të rifitojmë tokat tona , t’i punojmë sepse këtu nuk prodhohet më asgjë.
“Asnjë sdo tia dijë, shuëm ankesa por nuk i dëgjon njëri se cfarë flet banori këtu. Në jemi banorë që duhet të na kompesojë shteti se na ka marrë tokat e mira në Drezëze edhe duhet të na kombesojnë se këto janë toka të kripura. Ne duhet të shkojmë t’i themi Edi Ramës atje që të hapin hidrocentrein atje edhe të bëjnë te toka jonë, na kanë mbytur krejt”, është shprehur i revoltuar banori.
Nga njëra anë mungesa e investimeve, nga ana tjetër mos mbështetja në sektorin e bujqësisë e blegtorisë ka bërë që fshati të përgjysmohet në këto 30 vjet ashtu si edhe këtë vit ku vetëm gjatë kësaj vere u larguan afro 20 familje. / A.L gijotina.com /
