Pas lajmërimit të mbrëmjes për largimin e Lionel Messit nga Barcelona, të gjithë tifozëve i erdhën në mendje vetëm dy skuadra ku mund të transferohet argjentinasi Mançhester City dhe PSG-ja.
Klubi anglez ka tentuar prej kohësh të afrojë ish-yllin tashmë të Blaugrana dhe akoma më shumë kur kreun e stolit të ‘Citizenëve’ e mori trajneri spanjoll Pep Guardiola.
Megjithatë ishte ky i fundit që gjatë ditës së sotme i hoqi shpresën tifozëve të City-t për kalimin e Messit te skuadra e tyre e zemrës.
Gjatë konferencës së zhvilluar ditën e sotme tekniku spanjoll tha se Messi nuk është në planet e tyre, pasi tashmë ‘Citizenët’ kanë bërë një blerje shumë të kushtueshme, siç ishte Grealish nga Aston Villa.
“Ne shpenzuam për Jack Grealish dhe ai do të veshë numrin 10 sepse jemi të bindur për të dhe menduam se Leo do të qëndronte. Tani, Messi nuk është në planet tona ”,- u shpreh trajneri spanjoll./Gijotina.com
