Deputeti i opozitës, njëherësh kreu i PBDNJ, Vangjel Dule kishte thirrur sot në interpelancë në Kuvend kryeministrin Edi Rama për çështjen e respektimit të të drejtave të minoritetit. Por, Rama nuk ka pranuar të flasë, i është shmangur duke deleguar ministres Elisa Spiropali.
Dule u indinjua nga ky veprim i kryeministrit dhe nuk pranoi që të zhvillojë interferencën me Spiropalin. Sipas tij veprimi i Ramës sot është tregues u qartë se nuk e ka në agjendë çështjen e minoritetit.“Nuk respektohet afati kohor i zhvillimit të interpelancës brenda 3 javëve, njoftohem sot në mëngjes se ministri nuk paska denjuar të flasë për këto çështje dhe e ka deleguar. E para është mënyra cinike. E dyta është konstruktive, ashtu duhet të jemi të gjithë m njëri tjetrin, me vlerat dhe parimet e një sistemi demokratik.
Qëndrimi i sotëm i kryeministrit dëshmon se për të respektimi i të drejtave të minoriteteve dhe lirive nuk ekziston në axhendën e prioritete të tij. Për fatin tonë të mirë është në agjendën e BE. Pardje ne nuk morën datë për konferencën e parë ndërqeveritare që uroj ta marrim së shpejti, por patëm konkluzione të qarta. Midis tyre ishin edhe ato që kanë të bëjnë me të drejtat e pjesëtarëve të minoriteteve”, deklaroi Dule, duke theksuar se kërkesat e tij do ia paraqesë kryeministrit me shkrim.
Discussion about this post