Vëllezërit Saimir dhe Landi Miri, të dyshuar për vrasje, kanë rrëfyer përpara hetuesve për ekzekutimin e Indrit Ndojit. Ata kanë thënë se nuk kanë pasur qëllim ta vrisnin Ndojin, por se iu ka dalë situata nga kontrolli.
Ata kanë thënë se viktima i ka ofenduar rëndë. Vëllezërit deklaruan se nuk kanë pasur konflikt të hapur me të, por momental.
Rrëfimi i vëllezërve Miri: Nuk kishim për qëllim ta vrisnim. Po situata na doli nga kontrolli pasi na sulmoi dhe na ofendoi rëndë. Ai (Ndoj) ishte në gjendje të rëndë, pasi kishte konsumuar lëndë narkotike. U takuam te vendi për të sqaruar një muhabet të vjetër. Nuk është se kishim ndonjë konflikt të hapur me të, gjithçka ndodhi aty për aty pasi na sulmoi.
Nuk ishte i vetëdijshëm. Ai tentoi të na qëllonte dhe për tu mbrojtur e qëllova. Më pas u larguam. E lamë të gjallë. Dhe s’menduam se kishim bërë ndonjë plagosje të rëndë. Por për fat të keq kaçavida kishte prekur damarin kryesor (arterjen femorale) . Vetëm kur dëgjuam në mëngjes që kishte vdekur. Aty na kapi paniku. Nuk dinim ca të bënim. Jemi penduar shumë, pasi nuk ishte nevoja që situata të arrinte në këtë pikë pa kthim pas. Jemi shumë të penduar.
Discussion about this post