Vijojnë të përsëriten situatat e papritura ku protagonist është presidenti i Shteteve të Bashkuara Joe Biden. Jo pak herë shefit të Shtëpisë së Bardhë i mungon përqendrimi, duke u bërë objekt bisede. Udhëheqësi 79-vjeçar u përball me një tjetër siklet publik kur u duk se humbi orientimin në momentin që doli nga skena pas fjalëve të tij në Konferencën e Fondit Global.
Ndërsa duartrokitjet pasuan, presidenti i SHBA filloi të dilte nga skena përpara se të ndalonte befas dhe të shikonte përreth me një pamje konfuzioni në fytyrën e tij.
Më pas dukej se i pyeti njerëzit përreth tij se si të dilte nga skena dhe bëri disa hapa duke belbëzuar.
“Joe Biden është krejtësisht i humbur në skenë. E frikshme dhe e trishtueshme”, shkroi në Tëitter për Steve Guest, një këshilltar komunikimi i senatorit Ted Cruz.
Teksa një burrë mori mikrofonin për të thënë: “Zoti President, faleminderit!”, Biden vijoi të endej nëpër skenë.
Një video e hapave të pakëndshëm anësor u bë virale në mediat sociale me prirje të djathtë si një shembull tjetër dyshimi në lidhje me aftësinë fizike dhe mendore të Biden për Presidencën.
Njerëzit në Twitter e etiketuan klipin ‘të trishtë’ dhe thanë se Biden po sillej ‘çuditshëm’ dhe spekuluan se ai as ‘nuk e di se ku është’.
I gjithë incidenti ndodhi pasi ai mbajti vërejtjet në Konferencën e 7-të të Rimbushjes së Fondit Global, në punimet që po zhvillohen në Nju Jork dhe ka për qëllim luftimin e SIDA-s, HIV-it, tuberkulozit dhe malaries.
Discussion about this post