Qeveria e Gjermanisë ka mohuar faktin se janë ata që qendrojnë prapa një dokumenti katër faqesh të cilësuar si “kornizë e re” për dialogun Kosovë-Serbi.
Sipas informacioneve, materiali iu dorëzua Kurtit dhe Vuçiçit përmes dy top- këshilltarëve të Macron dhe Scholz përgjatë vizitës në Prishtinë dhe Beograd bashkë me emisarin e BE-së për dialogun Kosovë-Serbi Miroslav Lajcak.
Pwr kwtw dokument i cili është supozuar se është dorëzuar nga Franca, Gjermania dhe Lajcak tek kryeministri Kurti dhe presidenti serb, Aleksander Vuçiç, por theksojnë se një letër e tillë s’vjen as nga Gjermania, as nga Franca e as nga Miroslav Lajcak.
Nga Berlini zyrtar theksojnë se nuk kanë informacione se kush e ka shpikur një dokument të tillë dhe me çfarë qëllimi.
“Ne kemi vërejtur raportimet në mediat shqiptare rreth të të ashtuquajturës rrjedhje të një dokumenti katër faqesh që supozohet se është dorëzuar nga Franca, Gjermania dhe përfaqësuesi Special Lajcak te kryeministri Kurti dhe presidenti Vuçiç. Pretendimet janë të gabuara, një letër siç përshkruajnë raportimet nuk vjen nga Franca, Gjermania apo Përfaqësuesi Special. Ne s’kemi informacione kush e ka shpikur atë dhe me çfarë qëllimi”, ka thënë një zëdhënës i Qeverisë gjermane.
Pak ditë më parë u publikua një “dokument” i cili pretendohej se ishte hartuar nga Gjermania, Franca dhe BE-ja dhe se i njëjti ishte dorëzuar Kurtit dhe Vuçiçit përmes këshilltarëve të kancelarit Olaf Scholz dhe presidentit Emmanuel Macron përgjatë vizitës së fundit në Prishtinë dhe Beograd.
Aty pretendohej për një “marrëveshje përmbajtësore vitin e ardhshëm”, “marrëveshje finale pas 10 vjetësh”, “Kosova do të fitonte njohje nga 5-shja e BE-së dhe anëtarësim në organizata” derisa “Serbia do të përfitonte ndihma masive”.
Discussion about this post