“Nuk e dinin që po i nisnin në luftë”, nënat ruse telefonojnë në Ukrainë: A janë gjallë?

Lufta mes Rusisë dhe Ukrainës ka hyrë në ditën e 13-të, ku humbjet janë shumë të mëdha nga të dyja palët, sidomos humbjet njerëzore në radhët e ushtrisë. Kanë qenë familjet ruse ato që i janë drejtuar linjës telefonike ukrainase në kërkim të dëshpëruar për ushtarët e humbur

“Më falni që ju shqetësova, po ju telefonoj në lidhje me vëllain tim.”

“A keni ndonjë informacion për burrin tim?”

“Përshëndetje linjë telefonike, a është ky vendi ku mund të zbuloni nëse një person i imi është gjallë?”

Këto janë pjesë nga regjistrimet audio të bëra në një linjë telefonike të drejtuar nga qeveria ukrainase . Nënat dhe baballarët, gratë, vëllezërit e motrat dhe të tjerët janë të angazhuar në një kërkim të dëshpëruar për të dashurit e tyre ndërsa  lufta e Rusisë  me Ukrainën zgjatet në dukje pa fund.

Regjistrimet tregojnë se shumë ushtarë rusë dukej se nuk e dinin se cilat ishin planet e tyre ose pse po dislokoheshin, dhe përforcojnë raportet se ushtarëve rusë u mohohej komunikimi me familjet e tyre.

Videot janë shfaqur në internet që nga fillimi i pushtimit më 24 shkurt, duke treguar civilët dhe ushtarët ukrainas që lejojnë ushtarët rusë të telefonojnë në shtëpi dhe të flasin me prindërit e tyre.

Linja telefonike, e quajtur “Kthehu gjallë nga Ukraina”, u krijua nga Ministria e Brendshme e Ukrainës, e cila ka pranuar se iniciativa është njëkohësisht një mjet humanitar dhe një mjet propagandistik.