Vëmendjen e Javës së Modës në Paris e morën modelet e njohura si Gigi Hadid, Paloma Elsesser dhe Adut Akech, por pjesë e kësaj sfilate ka qenë edhe vajza e Steve jobs themeluesit të Apple.Ndoshta emri i saj nuk ju thotë gjë, por mbiemrin me siguri ia njihni mirë. Eve Jobs është vajza më e vogël e themeluesit, Steve Jobs. Megjithatë, Eve tani është duke krijuar emrin e saj si modele.
Eve bëri debutimin në Javën e Modës në Paris në shfaqjen Coperni Pranverë/Verë 2022 këtë javë, e veshur me një bluzë të gjelbër të ndezur, me një fund grafik, shapka me gisht, me një palë syze dielli të bardha të mëdha dhe me një çantë të bardhë.
Edhe aksesorët në sfilatë ishin një nderim ndaj babait të Eve, pasi njëra nga çantat, Origami, është e frymëzuar nga forma e lakuar iPhone, sipas një interviste të Vogue me stilistët e Coperni, Arnaud Vaillant dhe Sébastien Meyer.
“Nuk mund ta them me fjalë se sa i jashtëzakonshëm është ky koleksion. Ishte një nder të isha pjesë e vizionit @coperni,” shkroi Jobs në një postim në Instagramin e saj, duke ndarë një pamje në prapaskenë të veshjes së saj dhe duke uruar stilistët për shfaqjen.
23-vjeçarja Eve është fëmija më i vogël i Steve Jobs. Ajo ndoqi Universitetin Stanford, ku prindërit e saj u takuan për herë të parë, sipas Business Insider. Në dhjetor 2020, Eve filloi karrierën e saj të modelimit me një fushatë festash për markën e bukurisë Glossier.
