Cristiano Ronaldo i ka thënë Ole Gunnar Solskjaer se është i aftë që të luajë në çdo ndeshje të Premier League dhe se nuk pranon të jetë zëvendësues.
Ylli portugez i tha këto fjalë trajnerit të Manchester United, pasi ky i fundit e la në stol gjatë ndeshjes me Everton, që u mbyll me barazimin 1-1.
‘The Sun’ raporton se një burim i United tha: “Ronaldo ishte jashtëzakonisht i zhgënjyer që ndodhej në stol. Ole supozoi se ishte i lodhur pas ndeshjes me Villarreal, kështu që ai vendosi ta fuste atë vetëm në fillim të pjesës së dytë. Por Cristiano i tha atij se do t’i tregojë kur nuk është i aftë për të luajtur dhe se dëshiron të jetë në çdo ndeshje të ligës. Ai gjithashtu i tha teknikut se ka ardhur këtu për të fituar trofe dhe se United duhet të luajë me lojtarët e tij më të rëndësishëm në të gjitha ndeshjet.”
Fjalë të cilat duket se e kanë trembur teknikun, i cili përveç garës për titullin, tani duhet të tregohet i kujdesshëm edhe që Ronaldo të mos mërzitet.
Solskjaer e la portugezin në stol duke besuar se 36-vjeçari kishte nevojë për pushim pasi luajti një ndeshje të plotë kundër Villarreal tre ditë më parë-ku shënoi golin e fitores në minutën e 95.
Zhgënjimi i Ronaldos ishte qartësisht i dukshëm kur ai marshoi poshtë tunelit në bilbilin e fundit të barazimit me Everton, pasi kishte zëvendësuar Edinson Cavani pas 57 minutash./K.T/Gijotina.com
