Gjatë bisedës me gazetarin Çim Peka, deputetja e PD, Jorida Tabaku është shprehur se debati i brendshëm brenda partisë, e ka forcuar atë dhe gjithë strukturat.
Tabaku u shpreh në ‘Çim Peka LIVE’ në SYRI TV, theksoi në deklaratën e saj se, nëse nuk do të ishte Sali Berisha, Partia Demokratike do të ishte copëtuar.
‘Mund të kishte një moment që unë mendoja, vite përpara, se Sali Berisha nuk e bënte dot këtë. Ndërkohë që sot mendoj se, nëse nuk do të ishte Sali Berisha ajo do të binte përtokë, copash.
Është ai që e mban të bashkuar. Edhe më shumë nga ne, ai ka qenë më largpamës, më sy hapur, dhe më i drejtpërdrejtë.
Nuk më ka hyrë në hak në asnjë moment, që kur jam pjesë e PD dhe shumë kolegëve. Çfarë ka pasur e ka thënë përballë.
Në momentin që ne jemi, por edhe pas kësaj që ka kalur PD, është ai që e mban bashkë sot.
Nuk e kisha menduar se do të kalonte këtë partia, por edhe unë personalisht. Na ka forcuar të gjithëve, na ka pjekur mendimin, që të kuptojmë edhe shumë situata. Mua personalisht më ka bërë edhe më të fortë, për të kuptuar vlerën e partisë, pozicionin, situatat.
Na ka ikur dhe kompleksi për ti thënë problemet. Ulemi në një mbledhje dhe flitet dhe thuhen problemet. Është çliruar gjithsecili nga ngarkesa që të mos flisnim.
Secilin prej e ka forcuar, por njëkohësisht edhe debatin’, tha ndër të tjera, Jorida Tabaku në SYRI TV.
Discussion about this post