Sipas familjarëve të 34-vjeçarit Indrit Ndoji që u gjet sot i vrarë në Fushë-Krujë, krimi është kryer në vend tjetër. Kështu kanë deklaruar ata për mediat. Shkak për këto dyshime është fakti se 34-vjeçari nuk kishte pranë vetes biçikletën, me të cilën lëvizte gjithmonë.
‘Indriti mund të jetë vrarë diku tjetër, pasi nuk ka biçikletën me të cilën udhëtonte gjithmonë’- thanë familjarët.
Trupi i pajetë i të riut është gjetur mëngjesin e sotëm në një kanal në rrugën ‘Bakishe Visha’. Familjarët ishin ata që zbuluan trupin në një kanal, teksa ishin rrugës për punë. Në trupin e të riut janë konsatuar plagë në këmbë, të cilat dyshohet se janë kryer nga plagosja me armë zjarri. Ndoji, ka qënë i dënuar më parë, për trafikimin klandestinësh.
Discussion about this post