Protesta e opozitës e ka detyruar kryeministrin Edi Rama “të arratiset” nga Tirana dhe të ndryshojë axhendën e tij. Kryeministri Rama ka përshpejtuar me dy ditë inaugurimin e Byppass-it të Vlorës, i cili sipas planeve do të inaugurohej më 9 korrik. Sipas burimeve, Rama ka zgjedhur të inagurojë rrugën në Vlorë, po në të njëjtën orë ku do të nisë edhe protesta e opozitës, një mënyrë kjo për të sfumuar demostratën e opozitës. Një sërë aktivitetesh janë programuar nga kryeministri për sot në Vlorë, ndër to: Prezantimi i kryetarit të ri të partisë, inagurimi i sheshit të Muzeut të Pavarësisë (edhe pse ky një projekt ende i papërfunduar).
Kujtojmë që selia blu ka kërkuar leje në Policinë e Tiranës për protestën nga ora 19:00 deri në 21:00, ndërsa është mësuar se në bulevardin “Dëshmorët e Kombit”, rrugën “Xhorxh Bush” dhe pjesërisht në bulevardin “Zhan Dark” do të kufizohet qarkullimi rrugor për automjetet prej orës 16:00.
Por përveç masave të marra nga policia për mbarëvajtjen e rendit dhe nga PD për ecurinë e protestës, edhe Kryeministria është hedhur në veprim, duke blinduar dyert e godinës, ashtu siç edhe është bërë zakon në tubimet e mëparshme të opozitës.
Discussion about this post