Platforma me 6 pika që Grupi Parlamentar i PD-së publikoi sot, parashikon kthimin në PD të gjithë deputetëve të pezulluar apo përjashtuar nga grupi parlamentar nga Këshilli Kombëtar me 12 janar 2022.
Por bashkimi nuk nënkuptoi edhe kthimin e ish-kryeministrit Sali Berisha i përjashtuar nga grupi me vendim të Lulzim Bashës me 9 shtator.
Për këtë të fundit, Berisha shprehet se nuk ka asnjë të drejtë apo tagër që të firmosë dokumentin, përveçse për kohën që njihej si kryetar i grupit parlamentar.
Sipas tij, tashmë kryetar është vetëm 1 dhe është komisioni i rithemelimit.
“Pas vendimit të gjykatës së Tiranës njeriun e parë që kam takuar që kam shtrirë dorën ka qenë Alibeaj dhe Gaz Bardhi. U ula më së pari me ta për të dhënë mesazhet e shkëputjes nga një periudhë jo normale të partisë dhe përçarje të PD. Njeriu që e krijoi u largua duke marrë të gjitha përgjegjësitë. Por kjo ofertë gjeti refuzimin e zotit Alibeaj. Alibeaj jo vetëm refuzoi ofertën por i urdhëruar nga Rama nëpërmjet Bashës siç e tha vetë Basha në Shkodër, paditi Pd në gjykatë. Tani më lejoni tu bëj me dije se padia e tij është apsolutisht nul. Kodi i procedurës civile përcakton në mënyrë të kristaltë se kush mund të paraqesë ankim ndaj një vendimi gjykate. Përveç kësaj Alibeaj ska asnjë tagër të firmosë një dokument përveçse për kohën që njihej si kryetar i grupit parlamentar. Kryetari i PD dha dorëheqjen. Tani kryetar është vetëm 1 komisioni i rithemelimit”, shprehet Berisha.
Discussion about this post