Ditën e fundit të vitit 2021 vendi ynë pritet të jetë në periferinë e masës së fuqishme ajrore të thatë anticiklonike me qendër diku në Mesdhe ose Afrikën Veriore, gjegjësisht në territorin e Algjerisë. Ky anticiklon gjigand pritet të përfshijë Francës, Spanjën, Italinë, Afrikën Veriore dhe me periferinë e tij edhe Gadishullin Ballkanik.
Si pasojë në këto zona pritet mot kryesisht i qëndrueshëm dhe relativisht i ngrohtë për këtë periudhë kohore. Temperaturat pritet të jenë disa gradë mbi vlerat mesatare, përpos në ato zona ku eventualisht mund të kemi krijimin e mjegullës ku pritet të jetë më ftohtë ose temperatura pritet të jetë rreth vlerave mesatare. Në zonat ku nuk do të ketë mjegull pritet mot i mirë dhe i qëndrueshëm me temperatura maksimale që pritet të jenë deri në 18 gradë Celsius. Edhe Viti i Ri pa skenar dimëror për të cilin po shpresonim të gjithë, megjithatë kjo është natyra dhe ky është parashikimi i cili nuk pritet të ketë ndonjë ndryshim të madh./ MeteoBallk
Discussion about this post