Drejtuesi i organizatës së drogës dhe krimit të organizuar “Luanët” është vënë në pranga në Turqi. Bëhet fjalë për Sergen Ahmadi i cili është nga Afganistani dhe akuzohet se është përfshirë në më shumë se 30 krime në Gjermani, vend nga ku është dëbuar.
Përmes postimeve në rrjetet sociale, kryesisht në Instagram, Prokuroria konstatoi se Ahmedi ishte në Turqi dhe nisi operacionin. Mbrëmjen e kaluar, dhjetëra efektivë policie zbarkuan në hotelin luksoz ku ishte vendosur “kryeluani” dhe e prangosën atë bashkë me katër anëtarë të tjerë të kartelit.
Tashmë, të prangosurit po merren në pyetje. Mediat turke kanë publikuar edhe foto të Ahmadit, i cili pozonte i rrethuar nga vajza të bukura, florinj e armë.
