Ngjarja e tmerrshme që ndodhi të martën në Himarë do të sjelle protesta ditën e sotme. Shoqëria civile ka paralajmëruar se do të zhvillojë pasditen e sotme, në orën 19:00 një protestë para Ministrisë së Brendshme, ku do të kërkohet dorëheqja e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nanos dhe ministres Kumbaro. Protesta me moton “Nuk e vrau varka, por shteti”, vjen pas tragjedisë së ndodhur në plazhin e Potamit në Himarë, ku vogëlushja 7-vjeçare, Jonada Avdia, u aksidentua për vdekje nga një skaf që drejtohej nga komisari Arjan Tase. Në mbështetje të kësaj proteste ka dalë edhe Partia Demokratike, si dhe Partia e Lirisë.
“Tek Kryeministria pas ngjarjes makabre te kryer nga një punonjës me detyra te larta në Policinë e Shtetit, i cili vrau me skaf një vajzë 7 vjeçe ne breg të detit. Të kërkojmë dhe tregojmë se kush është përgjegjësi dhe te kërkojmë ne dritën e qirinjve, me një buqete lulesh, me një mesazh n2 një cope letër, pak dinjitet për veten, se e pafajshmja u largua…. Të kërkojmë shkarkimin ose… Dorëheqje e Ministrit te Brendshëm zotit Bledi Çuçi Dorëheqje e Drejtorit të Përgjithshëm të Policisë së Shtetit zoti Gledis Nano Dorëheqje e Ministres se Turizmit dhe Mjedisit Mirela Kumbaro. Ngushëllime familjes Avdia për humbjen e dritës së tyre, zoti ju dhëntë forcë për të kaluar këtë dhimbje që ka tronditur thellë çdo bashkombas. Zoti qoftë me ju, e shpirti i engjëllit tuaj u prehtë qiell”, thuhet në njoftim.
Sakaq, bëjmë me dije se autori Arjan Tase ndodhet në paraburgim, ndërsa burimet tregojnë se ai mund të dënohet vetëm me 5 vite burg, fakt që ka acaruar edhe më shumë qytetarët.
Discussion about this post