Trajneri i skuadrës së Tiranës, Orges Shehi ka dalë në konferencë për mediat në prag të takimit të parë të skuadrës së tij për sezonin 2021-2022 të Kategorisë Superiore.
Ditën e shtunë Tirana do të presë në stadiumin ‘Selman Stërmasi’ skuadrës e Skënderbeut në një takim që nuk duket të jetë aspak i lehtë.
Ndërsa ka folur për kundërshtarët Shehi i ka konsideruar ata të gjithë të fortë, ndërsa ka theksuar se nga klubi Bardheblu janë larguar shumë lojtarë të mirë.
“Të gjitha skuadrat janë të forta, duhet të bëjmë maksimumin. Janë bashkuar skuadra si Dinamo që dihet historia e tyre, por edhe këtë vit është e fortë, edhe Egnatia gjithashtu. Do të jetë një kampionat me shumë rivalitet.
Ne jemi tek klubi më i titulluar në vend, objektivi është i qartë minimumi është Europa. Është riformatuar skuadra, kanë ikur shumë lojtarë cilësor që do të bënin mirë me çdo skuadër, por kemi marrë lojtarë që kanë shumë cilësi dhe koha do ta vërtetojë nëse do të jenë njësoj si ata që u larguan.”-u shpreh tekniku.
Teksa është pyetur se kë sheh si kundërshtar më të fortë, Shehi ka theksuar se kryeqyteti do jetë baza e ndeshjeve të këtij sezoni, ndërsa nuk ka dashur të cilësojë njërin midis Partizanit apo ‘Nëndetëses Blu’.
“Kryeqyteti ka tre skuadra që ka shumë tituj në kurriz. Kryeqyteti është baza dhe do të ketë shumë derbi, të treja janë me petkun e pretendentit. Do të shihet se kë do të shigjetojnë trajnerët e tjerë, por unë do të shigjetoj skuadrën që do të luaj ndeshjen e radhës.”-deklaroi Orges Shehi./Gijotina.com
