Adnan Januzaj nuk do të rinovojë kontratën me Real Sociedad, me klubin bask që prej disa kohësh po përpiqet të sigurojë vazhdimësinë e ndërkombëtarit shqiptarit, por tani për tani interesat e të dyve po shkojnë në drejtime të ndryshme.
Lojtari do të rinovonte një kontratë të re për të barazuar pagën me Oyarzabal, Merino, Isak dhe Silva, gjë që nga San Sebastian nuk janë të gatshëm t’ia ofrojnë.
Januzaj është i vetëdijshëm për paraqitjen e shkëlqyer që ka bërë këtë sezon dhe dëshiron të përfitojë dhe synimi i tij është që verën e ardhshme të rikthehet në Premier League. Duke filluar nga muaji janar ai do të jetë i lirë të zgjedhë një destinacion të ri dhe në Spanjë raportohet se do jetë Premier League.
Duket se destinacioni i mundshëm i Januzat do të jetë klubi i West Ham, ndërsa kështu ai nuk do të bashkohet me Barcelonën siç ishte raportuar së fundmi në Spanjë./K.T/Gijotina.com
Discussion about this post